Download Central Board of Secondary Education (CBSE) Class 10th (10th Board Exam) Mizo 2021 Sample Paper
2021 EXAM
SUBJECT : MIZO (098)
CLASS : X
PART A (MCQ Based)
Section A (Reading Comprehension)
1.
A hnuaia thuziakte hi ngun takin chhiar la, a tawpa zawhnate hi a chhanna dik ber thlangin
chhang ang che.
(1x8=8)
Tawng hi ral thei leh thang zel thei a nih avangin ven ve reng a ngai a, a than zelna tur
pawhin tawng thar a pian ve reng a ngai bawk. Chuvangin, tuna, `hetiang hi Mizo tawng
a ni ngai lo,' kan tih pawh hi nakin lawkah chuan tawng dika kan ngaih hun a la awm
ngei ang. Tunah pawh hian eng hi nge tawng dik leh dik lo tih hi thliar a har tan ta hle
mai. Amaherawhchu, a nawlpui pawhin kan hriat ve mai theih tawng dik lo hulhual hi
chu a awm. Tawng hi hnam suihkhawmtu pawimawh b?rte zinga mi a nih avang leh kan
inbiakpawhna ber a nih avangin ram leh hnam humhalhna kawngah hian a pawimawhna
a lian hle. Zo hnahthlak zingah pawh Mizo tawng (Duhlian/Lusei tawng) hi kan thiam
tlan ber a nih avangin hnam inpumkhatna atan a pawimawh hle bawk. Dr. Vumson, `Zo
History' ziaktu chuan heti hian a sawi a. "Mizo tawng hi thiam tum theuh tur a ni. Paite
lamin lehkhabu kan ziahin Lai lamin chhiar an tum lo va, Lai lamin an ziahin Paite lamin
chhiar an tum si lo va. Mizo lehkhabu erawh chu chhiar kan tum vek si a, kan zir a
pawimawh a ni," tiin. Mizo tawng hi tunah rih hi chuan Zofaten lungrual taka kan hman
theih ber niin a lang. Tawng hi kan nihna (identity) tichiangtu a nih avangin thufing
pakhat chuan, `tawng a boral rualin hnam a boral ve nghal thin' tiin a sawi hial nghe
nghe. Tawng hman dik loh chuan hnam inpumkhatna aiin zawi zawia dahlauna leh tawng
ralna a thlen thei. Tawng hi hnama min huikhawmtu pawimawh tak pakhat a ni. Hnam
anga dam khawchhuah zel kan tum chuan kan tawng hman hi a than zelna tur leh a
hausak zelna tura hma kan lak a tul. Chumi atan chuan tawng hman dik kan zir a tul
takzet a ni.
i) Tawng hi engvanga ven ve reng ngai nge a nih?
a) Ral thei leh bo thei a nih avangin.
b) Ral thei leh thang zel thei a nih avangin.
c) A than nasat lutuk a hlauhawm avangin.
d) A than theih tawh loh avangin.
ii) Ram leh hnam humhalhna kawnga tawng a pawimawhna han sawi teh.
a) Hnam suihkhawmtu leh inbiak pawhna ber a nih avangin.
b) Hnam tinin mahni tawng kan neih theuh avangin.
c) Pi leh pute atanga lo hman thin a nih avangin.
d) Mahni hnam tawng kan theihnghilh loh nan.
iii) Tawng than zelna tura pawimawh chu eng nge ni?
a) Hnam dang tawng pawh ni se kan tawng anga hman ve zel hi a ni.
b) Thu leh hlaa hmasawn hi a ni.
c) Tawng thar a pian belh ve zel hi a ni.
d) Mi dangte nena tam zawk inbiak a pawimawh.
iv) Zo hnahthlak hrang hrang ten tawng kan thiam tlan ber eng nge ni?
a) Lusei tawng a ni.
b) Hmar tawng a ni.
c) Lai tawng a ni.
d) Paite tawng a ni.
v) `Tawng a boral rualin hnam a boral ve nghal thin,' tih awmzia han sawi teh.
a) Mahni hnam tawng thiam lo chu an boral thin.
b) Tawng ber a boral chuan hnam chu a ding chhuak thei ngai lo.
c) Tawng hi hnam inpumkhatna a nihzia a talang.
d) Mahni hnam tawng zah thiam a tulzia sawina.
vi) Tawng hman dik lo pawi theihzia han sawi teh.
a) Tawng kan hman dik loh chuan mi dangten an hrethiam lo.
b) Tawng hman dik loh hian pawi nasa tak a khawih thei.
c) Tawng hman nik loh hian mi dangin min en hniam thin.
d) Tawng hman dik loh hi zawi zawia tawng ralna thlen theitu a ni.
vii) He thuziakah hian hnam anga din khawchhuahna atana pawimawh eng nge kan
hmuh?
a) Ei leh bara intodelh hi a ni.
b) Tawng thanna leh hausakna tura hma lak hi a ni.
c) Zirna kawnga hmasawn hi a ni.
d) Kut hnathawh uar hi a ni.
viii) Dahlau tih awmzia han sawi teh.
a) Pawnlang tihna a ni.
b) Boral tihna a ni.
c) Dal tihna a ni.
d) Hlauhawm tihna a ni
2.
A hnuaia thuziakte hi ngun takin chhiar la, a hnunga zawhnate hi a zawmna tur dik ber hmangin
ziah zawm ang che.
(1x7=7)
Mizo tawng dik taka hmang tur chuan ni tina inzir a ngai a, ziak zawm tur leh zawm loh
turte pawh kan thliar hran thiam a tul. Tunlaiah nutling/patling Mizo tawng hmang thiam
lo, dik lo deuh deuhva hmang hriat tur an tam ta hle a, a inhmeh lo. Tawng hman kan fim
khur loh chuan kan tu leh fate hunah chuan Mizo tawng chu a dal tawh ngawt ang. Thalai
zingah pawh ulh deuh deuh leh dik lo baksaka hmang an awm nual tawh a, a dik lo tih
pawh hre mah se an ngaipawimawh lem lo. `Nichin' te hi an ti `nachin' a, `veleh' hmanna
turah `velah' an ti mawh hek lo. Mizo tawng hi dik vak lo hian hmang mai mai ta ila,
thuziak lamah pawh ziah zawm tur leh zawm loh tur thliar lem lovin ziak kawi vel mai
mai ta ila; a awmzia chu a hriat theih tho maithei a; mahse, a hlutna erawh chu a kiam
vek ang. Zawi zawiin ralna kawng a zawh ngei ang. Tunah rih hi chuan Mizo tawng hi
Zofa zawng zawngten kan hman tlan theih ber a ni a, kan inunauna lantirna leh unau kan
nihzia lan chhuahna ber a ni. Dik lo taka kan hman chuan a dal tial tial ang a, kan hnam
min khaikhawmtu ber hi rei lo teah a ral der ang tih a hlauhawm hle a ni. Tawng ber a ral
chuan hnam pawh a ral zui ve nghal mai ang tih hi thil hlauhawm tak a ni. Tawng dang
nena chawhpawlh taka hman te hi tawng zahawm lohna a ni bawk. Mizo tawng leh Sap
tawng hman pawlh nuai te hi a tha lem lo. Hnam changkang apiangin anmahni tawng hi
an zah a, a ziah chhuahnaah phei chuan ukuk takin an ziak hram ham thin. Keinin kan
zah loh va, kan humhalh loh chuan tumahin min humhalhsak dawn lo. Uluk lo taka kan
hman mai ai chuan kan tawng hi a zahawm lo telh telh ang. Chuvangin kan tawng hi uluk
takin i hmang hram hram ang u.
i) Tawng hman fimkhur lohvin a nghawng theih chu.....
a) Mi pawi sawi theihna a ni.
b) Kan thusawi miin an hre thei lo.
c) Tawng dal telh telhna a ni.
d) Mi dangte nuihzat kan hlawh thin.
ii) Mizo tawng leh hnam dang tawng chawhpawlh mai mai hi...
a) Tawng zahawm lohna a ni.
b) Tawng hausakna a ni.
c) Tawng thanna leh punna a ni.
d) Mi changkang tehna pakhat a ni.
iii) Thuziak hlutna tikiam thintu chu.....
a) Duhdah leh mawi lo taka ziah.
b) Tawng dik vak lo leh zawm tur leh zawm loh tur thliar lova ziah.
c) Fiah lo leh chhiar hleihtheih lohva ziah.
d) Kutziak nalh lo taka ziak hi a ni.
iv) Mi thenkhatin dik lo taka tawng an hmang thin hi.......
a) Tawng ralna a ni lem lo.
b) Tawng ralna kawng zawhna a ni.
c) Tawng a tihausa.
d) A pawina a awm hran lo.
v) Nutling /patling tih awmzia chu......
a) nupa tihna a ni.
b) hmeichhia leh mipa sawina a ni.
c) Hmeichhe puitling leh mipa puitling tihna a ni.
d) Nu leh pa lian pui pui sawina.
vi) Hnam changkang apiangin .......
a) Anmahni tawng an zahin an uluk.
b) Hnam dang tawng an uar.
c) Tawng dang dang an ngaisang.
d) Anmahni tawng an ngaisang lem lo.
vii) `Humhalh' tih thumal hi......
a) Noun a ni
b) Verb a ni.
c) Adjective a ni.
d) Adverb a ni
Section B (Grammar)
3.
Heng tawng upate hi a sawi fiahna dik ber han thlang teh.
(1x5=5)
i) Kut sa lo hawi
a) Kut tikang a, sa ti lo awm taka hawi vel.
b) Kut nia sa ei tur neih loh vanga hrilhhai taka awm.
c) Kut vawt vek sawina.
d) Kut nia sa chang ve lo.
ii) Khuang cher bo
a) Khuang bo daih sawina.
b) Khuang bo ang maiin a bo tihna.
c) Thil hmu thei lo sawina.
d) Chin hriat lohva bo pil vang vang sawina.
iii) Neih thinglung khawng
a) Neih zawng zawng hmang zo vek sawina.
b) Thing leh lung khawng vak vak sawina.
c) Mi hausa deuh sawina.
d) Neih ve mai maiah tihna.
iv) Rula raw neih
a) Raw chi khat, rul ang deuh.
b) Thil neih hmang tangkai lova kawl ve mai mai.
c) Thil reng reng hauh bik hlur sawina.
d) Thil neih kawmpui hlur sawina.
v) Tlai lam um pawng par.
a) A hun laia ti si lo va, tlai khaw hnua ti leh si hi.
b) Tlai lama par thin um chi khat.
c) Mi um phak thei reng reng lo sawina.
d) Mi ruala engmah ti ve hman lo.
4.
A chhanna dik ber thlang rawh.
(1x5=5)
i) Rim tak leh hah taka hna thawka, chauh phah hial ang hi.
a) Thih ngam lu pu.
b) Thifahnukchat
c) Tih tak tak arpa tuihal.
d) Tih va uk.
ii) A ni tak sawi duh lova, hriat thiam theih si, a thawi zawnga thusawi.
a) Thu pehhel
b) Thu vei vir
c) Thu khuh
d) Thu saisa.
iii) Natna engmah nei lawk lova thi thut sawina.
a) Zan khat mit chin
b) Zachham lak
c) Awm laia thi
d) Sarthi
iv) Thil eng pawh hauh bik hlur hi.
a) Keipui sa hauh
b) Kawhmawh bawl
c) Sapa tal
d) Utawk tur vawn
v) Tih tur mumal nei lem lova leng vel mai mai.
a) Zuanglang
b) Thimhlim bak chhe len
c) Vehthlem
d) Lengtul
5.
A kar awlte hi bracket chhunga tawng upa, a dik ber hmangin dah khat rawh. (1x5=5)
i) Nizan kan inkawm khawm chu kan ________ a, kan tlaivar tep alawm.
( khauphar thawven / kawilam tlo / huau huau / pawngsen tlaivar )
ii) I hnathawk ve lah hi _________ a, hmuh i hrehawm.
( lu pan hnathawh / thatchhe arbawm khai / tiltip / thih ngam lu pu )
iii) Inthawi nan ________ an talh thin.
( vawkpa sut nghak / kelpa sut nghak / arpa sut nghak / bawngpa sut nghak )
iv) Zep nei lovin _______ han sawi teh.
( thu haw lam leh kal lam / thu pehhel / ruh lang rawtin / chepa kaiin )
v) Ramhnuai kawng awm lova vah hi ________ an ti.
( sa pa tal / sa pa vah / ram va chal / kel chal pal nawk)
Section C (Literature)
6.
Heng zawhnate hi a chhanna dik ber thlang rawh.
(1x5=5)
i) Zirtu kawng tih hla hi tu phuah nge?
a) Vankhama phuah a ni
b) Rokunga phuah a ni.
c) Selet Thanga phuah a ni.
d) Rokunga phuah a ni.
ii) Zikpuii pain, "Ka nghilh lo'ng khuarei chang mah se," a tih kha eng nge?
a) Zan thla eng hlim taka an lawm dun thin kha.
b) A bialnuin, `Ka hmangaih ber mai che, Valmawi' tia thu a lo hlan kha a ni.
c) Innei ngei tura thu an lo tiam dun kha a ni.
d) A bialnuin thil a lo pek kha.
iii) Thlangkhuandim tih awmzia eng nge ni?
a) Khaw danga pasal nei sawina a ni.
b) Khaw thlang lama pasal nei sawina a ni.
c) Pasal nei hrim hrim sawina a ni.
d) Khaw thlang lama zin tihna a ni.
iv) Mizo Academy of Letters-in Writer of the Century atana an thlan kha tu nge ni?
a) Rokunga a ni.
b) Vanneihtluanga a ni.
c) K C Lalvunga a ni.
d) V Thangzama a ni.
v) Zirtu kawng tih hla phuahtu khan zilaite eng nen nge a tehkhin?
a) Loneitute nen.
b) Zirtirtute nen.
c) Sumdawngte nen.
d) Nu leh pa ten en.
7.
A zawmna tur dik ber hmangin han ziah zawm teh.
(1x5=5)
i) Darchhawna sawi danin mihringte hian ............
a) lan dan chi hnih kan nei.
b) lan dan chi thum kan nei.
c) lan dan chi li kan nei.
d) lan dan chi nga kan nei.
ii) `Hun hi' tih ziaktu sawi danin........
a) hun thlir dan chi hnih kan nei.
b) hun thlir dan chi thum kan nei.
c) hun thlir dan chi li kan nei.
d) hun thlir dan chi nga kan nei.
iii) Thian rinawm lo lan chhuahna chu.....
a) thiante thil lak ruk an ching.
b) thiante an bum thin.
c) thiante thuruk an sawi chhuak thin.
d) thiante rel an ching.
iv) Siamkiman `hun khawvel' a tih chu.........
a) he kan chenna khawvel hi a ni.
b) khawvela kan dam chhung hun hi a ni.
c) kum khat hun chhung hi a ni
d) hun chi hrang hrang a ni.
v) Thlan piah ram tih awmzia chu.......
a) thlanmual piaha ram awm sawina a ni.
b) thih hnu khawvel hi a ni.
c) mitthi sawina a ni.
d) thlanmual sawina a ni.
PART B (Descriptive)
Section A (Literature)
8.
I duh zawk hi a tobula chhuiin hrilhfiah rawh.
(4x1=4)
a)
I lungngaih aw maha lei a nghin chuan,
I ropuina nen i lo kal hun chuan,
Lei leh van rengin an dawl zo lo vang.
b)
Kan nun chhung lei thim zingah hian,
Ka au zel ang Chhandamtu;
Thlen hlan ka nghakhlel, nun tawp lo ram,
Lo eng rawh chatuan kumhlun ram chu.
9.
I duh duh pahnih chhang rawh.
(2x2=4)
a) Awm khawhar lenkawl tih hla phuahtu lung tileng em emtu kha eng thil nge ni?
b) Pathian ropuizia leh thiltihtheihzia Taivela hian eng angin nge a sawi?
d) Chali hian thilnungte hi engvanga hlu ti nge a nih?
e) Vankhaman, `Tawnmang lungmawl maia chang tawh hnu,' a tih kha eng nge ni?
10.
`Ka tan ni leh thla' tih hlaah hian Lal Isua lo kal leh huna thil awm dan tur eng angin nge
kan hmuh?
(2x1=2)
Emaw
`An va hlu em thilnung tinreng' tih hla hian Vanram eng angin nge a sawi?
11.
`Chan tawka lungawi' tih thuin mihring leh ransate danglamna eng angin nge a sawi? (4x1=4)
Emaw
`Nu tha tak pakhat chu zirtitu zakhat tluk a ni,' tih sawitu kha tu nge ni a, a sawi awmzia
nia i hriat sawi bawk rawh.
12.
`Thingzar chu sat tliak mah ila, a kungpui a la nun chuan a peng pakhat a chawrche ta
deuh a ni mai,' tih awmzia nia i hriat han sawi teh.
(2x1=2)
Emaw
Mahni chan tawk neih tum, kawng dik zawh si lote awm dan han sawi teh.
13.
I duh duh pahnih chhang rawh.
(2x2=4)
a) Hmeichhiate zirtirna mumal pek loh pawi theihzia han sawi teh.
b) In zirlaiin tanpui ngai ber, tanpui sawt si lo a sawi kha eng ang mite nge ni a, eng nen
nge a tehkhin?
c) Chan tawka lungawite tana thil tha lo bo duak theite chu engte nge?
d) Fate hi mi zawng zawng hmuha nu leh pate chak lohna tar langtu an nih dan han sawi
teh.
Section B (Composition)
14.
Tunlai thalaite nun, ruihhloin a tihbuai chungchanga Pu Liana leh Pu Hruaia te inbiakna,
thumal 200 aia tlem lovin ziak rawh.
(4x1=4)
15.
Hnam dang tawng, Mizo tawng ang maia kan hman zui tak thumal pali hmangin sentence
han siam teh.
(4x1=4)
16.
Thupui i duh ber thlangin thumal 500 velin essay han ziak teh.
(10x1=10)
i)
Hripui leh a nghawng
ii)
Ramngaw tangkaina
iii)
Lehkha chhiar
17.
A hnuaia thu hi ngun takin chhiar la, tawi kim deuh, hmun thuma thena hmun khat vela
thuiin ziak rawh.
(2x1=2)
Zirlai kan nih chuan kan tih tur hmasa ber leh pawimawh ber chu lehkha zir a ni tawp
mai. Kan zirlai hi kan hre chiang tur a ni a, kan hre bel tur a ni a, kan thiam chiang tur a
ni. Formula te kan zir a, zirtituten a apply dan min zitir a, min zirtir takah chuan kan
chawk chhuak thiam ve mai a. Amaherawhchu, kha formula kha eng atanga lo chhuak
nge, eng nge a nihna dik tak tih kan man fuh loh chuan pahnih khat chawh chhuah nan
chuan kan hmang tangkai maithei, mahse, zawh dan danglam deuh hleka an han chheh
kual chuan kha formula kha hman tur a ni tih reng kan hre tawh lo va, kan thiam tur ngei
ngei pawh kha a ngaihna kan hre lo va, kan thiam ta thin lo va, chu chu formula kan hiat
chian loh vang leh a hman dan chiah kan hriat chian loh vang a ni thin.
**************
.
This post was last modified on 07 March 2021